~स्पन्दन बिनोद~
घरदेखि टाढा छु म घर छैन टाढा म देखि
सहर देखि टाढा छु म सहर छैन टाढा म देखि
माग्छन् सबै के के मन्दिर,मल्जिद,गुम्बा चहारेर
ईश्वर देखि टाढा छु म ईश्वर छैन् टाढा म देखि
धेरै नसता ए उदासी जिन्दगी साहसी छु भनेर
जहर देखि टाढा छु म जहर छैन् टाढा म देखि
कहाँ गाह्रो छ र छातीको सिसा महल फुटाउन
पत्थर देखि टाढा छु म पत्थर छैन् टाढा म देखि
आज ‘स्पन्दन’ भन्नेले पलभरमै भन्नेछन् लाश
बगर देखि टाढा छु म बगर छैन म देखि टाढा
-महासचिव, अनेसास पोर्चुगल
(गजल पारखी एवम अनुजजनका लागि स्पन्दन बिनोद का गजल संग्रह अविरल स्पन्दन र सास्त्रीय गजल संग्रह (बहर) भिजाएर गयौ शुत्र प रिचयकको साथमा गजल सहित बजारमा उपलब्ध छ। कृपया नछुटाउनु होला।)
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
