~किरण खरेल~
सारङ्गीको धूनले, भन्छ मेरो मनले
अब नाचिदेऊ छम छम छम
तिम्रै सपनीले तिम्रै मोहनीले
मलाई बाँध्यो नि झन झन झन
भन्न लाज लाग्छ बोलिदे न फूल
लुकाएका इच्छा खोलिदे न दिल
ढुकढुकी सुन न मलाई चिन न
ए मेरो हजुर!
तिम्रो छेउ सधैँ निदाउन पाऊँ
केही चाहिँदैन तिम्रै हुन पाऊँ
मायालु चुनेको बरमाला उनेको
ए बुझेँ हजुर!
हरियाली सारा फिका जस्तो लाग्छ
तिमी मेरो सिन्दुरटीका जस्तो लाग्छ
छन्छनी यो चुरा बोल्दछ के कुरा
ए बुझ हजुर!
रचना : किरण खरेल
सङ्गीत : शम्भुजित बास्कोटा
स्वर : उदितनारायण झा, साधना सरगम
चलचित्र : सारङ्गी
