~इलामेली टीकाराम दुलाल~
यादहरू र सम्झनाहरू बारबार आउँछ
त्यही पलको झझल्को लगातार आउँछ
मझेरीवाट फर्की फर्की गह भरि आँसु लिई
आफ्नै घर छोडेको दिलमा झङ्कार आउछ
कर्म थलो र मेरी आमा सँगै नभएर होला
मन भरि कहिले काहीँ त कुविचार आउँछ
सम्झौता गरेर भए पनि चलाउनु छ जीन्दगानी
सुख आउँछ दु:ख आउँछ यिनै दोधार आउँछ
जति नै नमिठा पल भए पनि उ बेला घरमा छँदा
यादहरूमा मीठो आमाबाको प्यार आउँछ
इलामेली टीकाराम दुलाल
२०७६/०१/१६ रोज २
नक्साल, काठमाण्डौ
(स्रोत : रचनाकार स्वयंले ‘साहित्य सङ्ग्रहालय’को फेस्बुक पेजको मध्यमबाट पठाईएको । )
