~अमृत सिङ थिङ~ 
पानी पिउने वहानामा पँधेरीमा भेटौंला
तिमी धागो म तेल साथै अँधेरीमा भेटौंला
आउँदा जाँदा खेरी बाटोबाट सिट्ठी नफुक
मेला जाने निहुपारी खेत बारीमा भेटौंला
कसैले संका नगर्ने गरि सँगै बस्नुछ
वर-पिपल जस्तै सँधै चैतारीमा भेटौंला
जानी नजानी पनि औंँला चलाउने गर
तिम्रो ओठको स्पर्श लिन बाँसुरिमा भेटाैंला
अमृत सिङ थिङ
महाभारत गाउँ पालीका ,
बनखु , काभ्रे
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
