~रश्मिला कवाङ ‘रश्मि’~
चोटव्यथा, बिषप्याला पिएर हाँस्ने यी नारी
समस्याका पहाड खियाएर हाँस्ने यी नारी ।
सोंच्नेले जे जे सोचून् , बोल्नेले जे जे बोलून्
टुक्रिएका खुसीहरु सिएर हाँस्ने यी नारी ।
जीवन पाई जगतमा, जननी कहलिन्छन्
आफ्नालाई खुसी सबै दिएर हाँस्ने यी नारी ।
च्यातीदिन्छन् ,फटाइदिन्छन् शब्द प्रहारले
तापनि सिङ्गॊ युग छातीमा लिएर हाँस्ने यी नारी ।
रश्मिला कवाङ “रश्मि”
मुलढोका-४, भक्तपुर
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
