~हीरारत्न श्रीशा~
कस्ले के खाने भन्ने हानथाप चलेको छ
पैसा लुट्ने नेताहरूको नेत्र बलेको छ
सबै जोगि कान चिनेका, कोही छैन राम्रो
जो आँउछ फकाई फुलाई जनता छलेको छ
सत्ताको खेल खेली संविधानको ब्यापार
यहि स्वार्थमा जनताको सपना जलेको छ
बारम्बार प्रलोभनमा चुनाव जिति ठग्ने
ठग नेतामाथिको अब बिश्वाश ढलेको छ
भ्रष्ट बिचार बोकेका स्वार्र्थी नेताहरू
भएर त दिनप्रतिदिन देश गलेको छ
-अर्घाखाँची
हाल कुवेत
(स्रोत : हाँक विक्ली – वर्ष ३१, अङ्क १६ – March 5, 2014 – २०७० फागुन २१ गते, बुधबार)
