गजल : धनको गजल

~आशांक उपाध्याय~

बन्दैछ, पिरती यो धनको गजल
लेख्दैन, मसी कालो जनको गजल

फुर्दैन, कत्ति गर्दा दिमाग घुमाई
झम्टिन्छ, फर्की फर्की तनको गजल

सुन्दैन, कोहि यहाँ अरुको दु:खाई
देखिन्न, रंगी चंगी वनको गजल

भर्दैछ, रक्त कुण्ड बढेर लडाई
जानिन, रच्न आफ्नोपनको गजल

गन्दैछु, रोइ रोइ दिन यो बिताई
सक्दिन, लेख्न भित्री मनको गजल

– कालिन्जोर-२, सर्लाही, जनकपुर, नेपाल

(स्रोत : रचनाकारको ब्लगबाट सभार)