~हरि कट्टेल~
आज-भोलि थोरै बाँच्छु थोरै थोरै मरेको छु
मरौँ बाचौँ या के गरौँ दोधारमा परेको छु ।
वैगुनीले साथ छोडिन् जंघारको बीच
आऊ माझी साथ देऊ आधा भेल तरेको छु ।
प्रिय मेरो यात्रा भरि छर्यौ काँडै काँडा
तिमी हिड्ने बाटो भरि फूलै फूल छरेको छु ।
बास मागेँ अटाइँन त्रि्रो दिल भित्र
सोध्न छोड खोज्न छोड बास अन्तै सरेको छु ।
एकान्तको बास खोज्छु एकान्तकै आस
बाँचुञ्जेल एकान्तमै बस्ने सोँच गरेको छु ।
सबै आफ्ना उकालोको यात्रा गरुञ्जेल
कोही छैनन् आफ्ना अचेल उँधोतिर झरेको छु ।
नेचा, सोलुखुम्बु ।
