~वेगबहादुर आले~
डाबूरूट्की डाबूरूटा मोई नाकोकी
पूरूट्की पूरूटा मोई नाकोकी
हाडो छाला हीर माडाम
चूप्की सम्म चूपा नाकोकी
नाकोङन होसे मोलो ल्याक्च झट्केलो मीजाकै ।
ईला नाकोङ स्वाभीमान
कालापानी ड ठोरी खाटा डाबूरूट्न ह्योक्लेसा
नाकोङ पौरखको
कोशी र काली खाटा जोकाक्न ह्योक्लेसा
नाकोङ ईज्जवट
ढर्मौ मीआरमीनाङ नाङ्ग्या आहान खाटा योस्न ह्योक्लेसा
नाकोङ चीन्डीयाक
पाखन्डीकूङ छूम्च कोठाआङ ठून्न ह्योक्लेसा ।
टै डनी ;
नाको चूपचाप ङोस्न ङूवा
बरू छोका का लोहौ सगरमाठा ङोस्च मीमीक
बरू चीपाका पटाकसार आरमूसच मीन्हा
बरू राप्न ङूवा छोक्ठार मीरापडी ।
आबोच ;
ङा नाकोकी राप्की मायाहाले मोई
नाकोङ जीउ मीटाक मोलो स्याहाकी मायाहाले मोई ।
आबो ङा;
छूम्ठाङ ड ट्याहाङ्च ग्याहाट पाले
डाबोरोङ जाटकी जाम्छ हीउ पाले
बूद्ढ की लाङ्घाङ टाहाक्की पाले
सगरमाठाकी अझै घाङाक्की पाले।
नाकोङ जीवाङ ;
छाम ङूच मोलोवो मीयारकीन ग्याक्की पर्ले ङै
छोक्च नाकोङ मीमीक की छीमाक्की पर्ले ङै।
होट बाटे
मोई ङाई आसीक याहानी
छूमठाङ ङूच मीलीक्डू आङ
ट्याहाङ्च फेर्च नाम्खान टाहाक्की ह्योकीङ
सम्भावानौ रास मीटाक र्याल छ्यूक्च सीलाकोलाक
होलाङन डठ्याक्की ह्योकीङ
डूख ड कहरौ सोरकी अझै फेट्की पा डेनाङ
हेजा र बन्डूक सोट्की ह्योकीङ ।
मोई ङाई आसिक याहानी
हेजा ड बन्डूक सोट्की ह्योकीङ ।।
———————-
जितपुर -७ ढोडे धनकुटा, हाल: साउदी
