~आनन्द पोखरेल~
सावाँ अक्षर सिकायौ, गुरुलाई नमन ।
सबै ठाउँमा टिकायौ, गुरुलाई नमन ।।
सम्पूर्ण गुरुहरुको, यादले सताउँछ सँधै ।
अज्ञानता सबै झिकायौ, गुरुलाई नमन ।।
मैले लेख्न नजाँन्दा, कैले भनेको नमान्दा ।
हात समाउँदै लेखायौ, गुरुलाई नमन ।।
कतै लडबडाइ, बाटो विराउन खोज्दा ।
उज्यालो बाटो देखायौ, गुरुलाई नमन ।।
गरियो होला गालि , अन्जान मै भए पनि ।
आनन्दका सबै गल्ती मेटायौ, गुरुलाई नमन ।।
– नवलपुर, मध्यविन्दु-३, नवलपरासी
बसाईँ : भरतपुर
(स्रोत : रचनाकारको ब्लगबाट सभार)
