~ऋतिक यादव~
विभेदको खुल्ला तरङ्गमा पराधीन म
सहारा वेगर विमार छु
राजनीतिको तकरारमा सीमित म
सधैं आन्दोलन गर्न तयार छु
म मधेस बोल्दैछु।।
नाकाबन्दी गर्ने औकात मेरो
शासकको गोली खान तयार छु
कहा परास्त भयो सङ्घर्ष मेरो
उसैको तन्त्रमा गिरफ्तार छु
म मधेस बोल्दैछु।।
प्रगतिको यात्रा कहिल्यै नहेरेको म
एउटा सपना हेर्न तयार छु
संङ्घीयताले झन् शिथिल म
नेताको भोट माग्ने व्यापार छु
म मधेस बोल्दैछु।।
‘ जय मधेस ‘ असफल नारा मेरो
दमनको विरुद्धमा सहिद हुन तयार छु
चरम बिन्दुमा पुगेछ त्याग मेरो
फेरि आन्दोलन गर्न तयार छु
म मधेस बोल्दैछु।।
– ऋतिक यादव
सिम्रौनगढ-१०, बारा
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
