~शेखर ‘अस्तित्व’~
हजुर गजल घोकिहाल्छु प्लीज ट्याग नगर्नु है ?
नत्र टेन्सन बोकिहाल्छु प्लीज ट्याग नगर्नु है ?
लाईक गर्ने जस्तो यदि साँच्चै केहि रै’छ भने !
पक्कै लाईक ठोकिहाल्छु प्लीज ट्याग नगर्नु है ?
छातीमा बसी कसैले घाँटी च्याँपे जस्तै लाग्छ !
कमेन्ट गर्दा खोकिहाल्छु प्लीज ट्याग नगर्नु है ?
वा,वा,मीठो, छोयो, गज्जब, राम्रो,दामी जेजे भन्नुस्
मैले आफैं तोकिहाल्छु प्लीज ट्याग नगर्नु है ?
गजल हैन बिन्ती छ यो, अन्यथा न लिनु होला ,
नत्र रस्ता रोकिहाल्छु प्लीज ट्याग नगर्नु है ?
आफ्नो ‘अस्तित्व’ बिर्सेर हजुरलाई देउता ठानी !
शिर झुकाई ढोगिहाल्छु प्लीज ट्याग नगर्नु है ?
बुटवल–६
