~किरण खरेल~
मन्दिरमा छ कि मूर्तिमा माया
पत्थरमा छ कि धूलोमा माया
कोही त देखाऊ कोही त बताऊ
खै कहाँ छ, कहाँ? कहाँ छ माया?
एक अञ्जुली मायाको लागि पलपल हृदय चर्कन्छ
साउन र भदौ बनेर आँखा वर्षौं वर्षा वर्षन्छ
हाँसोमा छ कि आँसुमा माया
फूलमा छ कि काँडामा माया
कोही देखाऊ कोही त बताऊ
खै कहाँ छ कहाँ? कहाँ छ माया?
एउटी आमा जिउँदै जल्छे छोराको माया ममतामा
एउटा छोरो मरेर बाँच्छ आमाको सपना विपनामा
रगतमा छ कि नातामा माया
विश्वासमा छ कि बाचामा माया
कोही त देखाऊ कोही त बताऊ
खै कहाँ छ कहाँ? कहाँ छ माया?
रचना : किरण खरेल
सङ्गीत : शम्भुजित बाँस्कोटा
स्वर : नारायण गोपाल
