~बिनोद खड्का~
नेता
बोली दिन्छ
केवल बोली दिन्छ
सीमारहीत
अर्थ हीन
मात्र बोली दिन्छ
फेरी पनि
ताली बजाउँनुकॊ विकल्प छैन ।
ऊ कहिले
मेलम्ची लेराउँछु भन्छ
कहिले
पानी शहरभरी बगाउँछु भन्छ
जलश्रोतको धनी देश भन्छ
फेरी पनि
काकाकुल बन्नुको विकल्प छैन ।
ऊ
सडक तताउँछ
शहर थर्काउँछ
आन्दोलन चर्काउँछ
आफु पछाडी बस्छ
जनता अगाडी लगाउँछ
फेरी पनि
गोली खानुको विकल्प छैन ।
ऊ
देश विकाशको कुरा गर्छ
गरिबी निवारणको
फूर्ती गर्छ
तेलको भाउ बड्दैछ
महँगी चम्कदैछ
फेरी पनि
बाँच्नको लागी बाँच्नुकॊ विकल्प छैन ।
जलश्रोतको धनी देश
प्रचार गर्दैछ
बिजुली बेच्ने कुरा गर्छ
बिजुलीको भाउ बड्दैछ
लोडसेडिग चल्दैछ
फेरी पनि
अँध्यारोमा बस्नुको विकल्प छैन ।
यहाँ
देश नेता जन्माउँदैछ
एकबाट दूई
दूईबाट चार
नेता भाषण रच्दैछ
फेरी पनि
सुन्नु र भोग्नुको विकल्प छैन ।
बिनोद खड्का
दुवाकोट ६, भक्तपुर
२९ फरवरी २००८
हाल: दोहा, कतार
