~‘अभिलाषी’ शारदा राई~ 
मध्य राती झिलमिल शहर नियालेर बसेको छु
साथमा छ एक टुकी त्यसैलाई बालेर बसेको छु !!
मनको पीडा वेदनालाई दवाएर आफै भित्र सबै
मौनतामा एकोहोरिएर हाँसो फालेर बसेको छु !!
रित्तो रित्तो छु म आज शहरको यो भिँडहरुमा
रम्ने मनलाई जबर्जस्ती भित्रै गालेर बसेको छु !!
मन सँगै तन पनि निशब्द हलचल बन्दै छ मेरो
जीवनरुपी संगममा ठूलो रोग पालेर बसेको छु !!
छ मन भरी वेदना र अतीतका अन्तरङ्ग लहर
नचाहेरै हृदय भरीका पीडाहरु टालेर बसेको छु !!
शारदा राई “अभिलाषी”
बिराटचोक मोरङ
