कविता : मेरो देश

~भिमदर्शन रोका~

जहाँ बादलले सधैँ बिसान पाउँछ
जहाँ पुग्न् बादलको उद्देश्य हो
त्यही एक एक खोला र
दुई दुई उकालाहरु मेरो देश हो ।

जहाँ बिहानले हिमालमा किरणहरु बिउँझाएको छ
नदी दुवै किनार समाती तल आएको छ
उभिइरहन्छन् बाँधिएका वनहरु
जहाँ ढुङ्गा र पानीले गीत गाएको छ !

जहाँ पर्वत उभी–उभी थाकेर
तल बेँसीमा आई बिसाएको छ
मेरो बर्सात आई रुझाउँछ मलाई
जहाँ पर्वतले पाल टाँगेको छ ।

****