~उत्तम भौकाजी~
तिम्रो इर्ष्यालाई
सम्मान गर्न मन लाग्छ,
तिम्रो जलनलाई
स्वपान गर्न मन लाग्छ
सक्छौ यदि भने
आऊ, मेरो छेउ
लिएर तिम्रो कठोर मुटु
म
मेरो मुटुसँग तिम्रो मुटु
साटासाट गर्न चाहन्छु ।
त्यसपछि,
स्वत–समाप्त हुनेछन्
तिम्रा ती जलनहरु ।।।
र , आफै निभ्नेछन् ,
रिसले भरिएका आगाका लप्काहरु ।।।
त्यतिखेर
प्रयोगमा ल्याउन ठिक्क पारिएका
ती पानीका समुद्रहरु
लाजले आफैं
पानी–पानी भएर
बाफ बनी उडिसकेका हुनेछन् ।
र, त्यतिखेर बाँकी हुनेछौं,
मात्र हामी दुई
केवल तिमी र म ।
