~पाेष्टराज चापागाईं~
छन्द : थार्के काङ
सुन्ने भन्छन् गर्जिदै छन् रे ! वन भरी सेर मेरा
ती भन्दा झन् आततायी छन् गजलका सेर मेरा
जस्तै क्रोधी दुष्ट बैरी हुन् कि घरकै शत्रु हुन् ती
धावा बोल्छन् भक्ति थापा झैं अमर झैं सेर मेरा
पुग्ला जस्तो छैन के भारी मन पुगोस् आज तिम्रै
आऊ साथी दिन्छु सित्तै भो ! लग दुई सेर मेरा |
शब्दार्थ – सेर = १. बाघ, २.गजलका सेर, ३.वीर, ४. मनमा हुने ४० सेर मध्येको एक परिमाण
छन्द – थार्के काङ सूत्र – SSS SSl SSS lll SSl SS गण – म त म न त गु.गु.
विश्राम – ४, ९ र १३ अक्षरमा
