गजल : मिसाएर लेखें गजल

~निर्मला अवस्थी~

तिम्रो मेरो माया संगै मिसाएर लेखें गजल
ह्रदयका पीडाहरु बिसाएर लेखें गजल।।

धेरै भयो तिमीलाई नदेख्दा म आँत्तेकी छु
तिमी साथ नहुनाले रिसाएर लेखें गजल।।

कैलेकांही यो मनले नचाहेको गर्नु पर्छ
मनका सारा इच्छाहरू पिसाएर लेखें गजल।।

तिमीसित गर्नु पर्ने मनै भित्र रह्यो कुरा
त्यसैले त फेरी मन चिस्याएर लेखें गजल।।

June 3, 2011

(स्रोत : रचनाकारको ब्लगबाट सभार)