~सुमन राई~
मलाई आँसु भेलमा छोडेर जाँदैछौ ।
खाएको बाचा कसम तोडेर जाँदैछौ ।
म बिना एकपल जिउन नसक्ने तिमी
आज अन्तै नाता जोडेर जाँदैछौ ।
खोइ कस्तो प्रेम गर्यौ बुझ्नै सकिनँ
मेरो मनको ढुकुटी चोरेर जाँदैछौ ।
सानोतिनो चोट लाग्दा आँतिने गर्थ्यौ
आज आफैले छुरा घोपेर जाँदैछौ !
लगन हेरेर आउ भनी बोलाएको थियौ
आज अरुकै घुम्टो ओढेर जाँदैछौ ।
सुमन राई
खोटाङ रु म नगरपालिका १० पाथेका छोके
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
