~टिकाराम चौहान “प्रवाशी”~
प्रकृतिको बरदानस्वरुप अटल धन खोटांङेको
सबैलाई समान देख्ने चोखो मन छ खोटांङेको
ट्याम्केलाई कांडा बिज्दा रुपाकोटलाई चोट लाग्छ
एकअर्कामा दु:ख बाडन आफ्नोपन छ खोटांङेको
हरेलोमा कोईली गाउदा खावाडाडामा डाफे नाच्छ
आफ्नै रीतिरिवाज अनि रहनसहन छ खोटांगेको
बाजी लाउछन साप्सु,मेवा दुधकोसीलाई छुन भनी
सबैलाई मख्खै पार्ने रानीवन छ खोटांगेको
सगरमाथा मुस्कुराउछ खोटांगेको मिलनदेख
जातभात,धनी गरिब एक समान छ खोटांगेको।
टिकाराम चौहान “प्रवाशी”
दोर्पा-३,खोटांग,
हाल -दोहा कतार
