~गोविन्ददेव आचार्य~
यहाँ आकाशमै फुल पार्ने हावादारी कसम भेटिन्छन्
फलस्वरूप हिटलर बढी तर मण्डेला कम भेटिन्छन् ।।
निर्धक्कसित बाँच्नुपर्ने चिन्ता नपाल हे मूर्खहरू हो
किनकि मन्दिर र विद्यालयमा अझै बम भेटिन्छन् ।।
घाउ आखिर घाउ नै हो देशमा लागोस् या मान्छेमा
तर यी मनहरू जोड्ने के उपचार, के मलम भेटिन्छन् ?
नदीको लेनदेनमा बेचिने त आखिर पानी मात्र न हो !
र त यहाँ सुक्खा डोब र बगरका सङ्गम भेटिन्छन् !!
बारुदसित कलमले हार्छ “गोविन्द” ले नै मानिसके
तर असफल प्रयासहरू किन यति अधम भेटिन्छन् ?
