~जीवराज बुढाथोकी~
सुन्दरीको बातमा, यो जवानी ढल्कियो ।
छैन केही हातमा, यो जवानी ढल्कियो ।
सोचियो यस्तै त हो, जिन्दगानी आखिर,
भो नि मस्ती मातमा, यो जवानी ढल्कियो ।
आज आयो होस त्यो, गर्नु के खै बिग्रदा,
सम्झनाको खातमा, यो जवानी ढल्कियो ।
झर्छ पानी टल्कदै, कर्कलोमा जस्तरी,
आँसु झारी रातमा, यो जवानी ढल्कियो ।
जानुपर्ने जाँ थियो, बन्द बाटो भैदिदा,
आज आफ्नै घातमा, यो जवानी ढल्कियो ।
बहरः मदिद
सुत्रः २१२२, २१२, २१२२, २१२
जीवराज बुढाथोकी
खलंगा ९, सल्यान
हालः घट्टेकुलो, काठमाडौं
२०७२।०३।२४
