~केशव गाह~
नौलो जनक्रान्ति हाँक्नै पर्छ देश बचाउन
प्रदेशका युवा डाक्नै पर्छ देश बचाउन
सधैभरि देशलाई लुटिखाने लुटेराहरूलाई
गर्धनमा पक्री जाक्नै पर्छ देश बचाउन
एकजुट भई आऊ सबै मैदानमा अब
तरवार भाला ताक्नै पर्छ देश बचाउन
चेतनाको दिप ज्योति जलाएर यहाँ
अब गाउँवेशी ढाक्नै पर्छ देश बचाउन
शिखरको माथि छुनलाई उच्च विचारले
परिपक्क भई पाक्नै पर्छ देश बचाउन
-पाल्पा,
हाल भारत रायगढ
(स्रोत : हाँक विक्ली – वर्ष ३१, अङ्क १७ – March 12, 2014 – २०७० फागुन २८ गते, बुधबार)
