~माधव सिग्देल माइला~
जे जे माग्यौ सबै दिएँ रित्तो बनाइदियौ
वाचा वन्धन कसम सबै भित्तो लगाइदियौ ।
सपनीलाई विपनीमा सजाउने चाह थियो
भताभुङ्ग भयो अर्कै संसार सजाइदियौ ।
जन्म जन्म सँगै जिउने सँगै मर्ने भन्थ्यौ
बेसहारा भएँ आज एक्लो गराइदियौ ।
अजम्बरी माया भन्थे डाहा गर्थे कस्तो
अविश्वासी रैछौ मेरै विश्वास बगाइदियौ ।
सकेनछु चिन्न तिम्लाई गल्ति मेरै रैछ
लज्जित छु म आज आफै सँग हराइदियौ ।
जे जे माग्यौ सबै दिएँ रित्तो बनाइदियौ
वाचा वन्धन कसम सबै भित्तो लगाइदियौ ।
