~केशव आचार्य~
कोही आगो बनुन कि पानी, म तिमीलाई माया गर्छु
मलाई मूर्ख भनुन कि ज्ञानी, म तिमीलाई माया गर्छु
यो आवेग होईन मेरो, अन्तर्मनको आवाज हो
लेखियोस नलेखियोस कहानी, म तिमीलाई माया गर्छु
लिनु दिनु त केही छैन, मात्र मायाको कुरा न हो
देऊ या नदेऊ निशानी, म तिमीलाई माया गर्छु
जुनसुकै उमेरमा लाग्छ, मायामा हद हुँदैन
रहोस या नरहोस जवानी, म तिमीलाई माया गर्छु
शब्द : केशव आचार्य
सङ्गीत / स्वर : शिव परियार
सङ्गीत संयोजन : किरण कंडेल
एलबम : पागल
