~जीवराज बुढाथोकी~
रोग भै देशको, बेदना बर्षियो ।
मार्ग त्यो शान्तिको, गर्भमै अल्झियो ।
भावना ती अझै, जीवितै छन् तर,
हेर पासा कता, बिपरीत् फर्कियो ।
खोइ को सक्छ त्यो, भन्न केही अब,
बन्द नाका भर्इ, थोक सब् भाँडियो ।
चस्कने छातिमा, नागरिक् भैदिंदा,
बिर्सने के गरी, भावनै रेटियो ।
निस्कियोस् मार्ग त्यो, गर्न केही अब,
बित्नलाग्यो सबै, खेर सब् गैदियो ।
मुफरद बहरः मुतदारिक मुसम्मन सालिम
सुत्रः (रुक्नः फाइलुन्, संकेतः २१२x४ (SISx4),
मात्राः गु.ल.गु., अर्कानः ४)
संरचनाः १२ वर्ण प्रत्येक ३ वर्णमा विश्राम
जीवराज बुढाथोकी
खलंगा ९, सल्यान
हालः घट्टेकुलो, काठमाडौं
२०७२।०३।२४
