~गोवर्धन पूजा~
मेरो घर मेरो गाऊ मेरा साथी भाई
बसेका छन मिलीजुली मीठोपीठो खाई
हास्छ मुहार शरदमा फूल फुलेजस्तो
मंसिरको फाटबारीमा धान झुलेजस्तो
चाहना छ त्यही गाऊमा जिन्दगी बिताउन
म जन्मेको म हुर्केको मेरो चितवन
खहरेले रिसाएर बाटो छेक्दा पनि
औंशी रिसाई चूकजस्तो कालो पोख्दा पनि
हाँसी हाँसी जूनकिरिले बाली हिडछन दीयो
उस्तै लाग्छ मेरो गाऊ पहिला जस्तो थियो
रूप फेर्छ चितवनले तोरी फुल्दाखेरी
असारमा रोपाहारले हिलो खेल्दाखेरी
लाग्छ सधै मेरो गाऊको शुभ चिताउन
चाहना छ त्यही गाऊमा जिन्दगी बिताउन
चितवन,
हाल:- बोस्टन, अमेरिका
