~जीवराज बुढाथोकी~
म टाढा हुने त्यो, रहर नै थिएन ।
हुनेछौ तिमी नै, ठहर नै थिएन ।
नभेटे सुने क्यै कता पो हरायौ,
नअत्तो नपत्तो खबर नै थिएन ।
बुझे धेर मैले कुरा ती लुकेका,
तिमी भित्र मेरो कदर नै थिएन ।
भनेको भए त्यो हुँदोहो नरोए,
झरे आँसु अट्ने नहर नै थिएन ।
कहाँ मर्न सक्थे भनेरै म मर्छु,
कतै मार्न सक्ने जहर नै थिएन ।
छन्दः भुजङ्गप्रयात
बहरे मुकारिव मुसम्मन सालिम
जीवराज बुढाथोकी
खलंगा ९, सल्यान
हालः घट्टेकुलो, काठमाडौं
२०७२।०३।२४
