गीत : तिमीलाई अचेल कहाँ भेटुँ

~गगन बिरही~

तिमीलाई अचेल कहाँ भेटुँ
पहरामा भेटुँ या छहरामा भेटुँ
कि दिल हर्ने त्यो फूलको लहरामा भेटुँ

नभेटुँ कतै यो मनमा हलचल
नदेखुँ कतै निदँमा खलबल
दुबैको तिर्खा कहाँनिर मेटुँ
अघाउञ्जेल हेर्न दोबाटोमा भेटुँ

अधरमा फुल्ने गीत हौ तिमी
नजरमा भुल्ने प्रित हौ तिमी
तिमीलाई मिठो धूनमा सुनुँ
तिमिलाई उज्यालो हिउँमा देखुँ

शब्द : गगन बिरही
स्वर : प्रेमध्वज प्रधान
सङ्गीत : राम थापा
एल्बम : घाइते जवानी