~प्रकाश सुनुवार ‘निराकार’~
ओसामा
तिम्रो हत्यालाई विश्व शान्ति भनिंदैछ
तिम्रो हत्यालाई न्याय हो भनिंदैछ ।
गोप्य र अनौठो खाले एक प्रकारको
शान्ती पर्सिएको छ
र न्याय पस्किएको छ
ग्राउण्ड जीरोमा ह्वाइटहाउसले ।
यो भन्दा पनि अझ बढि
शान्ती र न्यायको लागि
तिमी फेरि फेरि किन नजन्मीने त
तिमीलाई मारेर फेरि फेरि अपराध किन नगर्ने त
शान्ती र न्यायको खातिर
तिमी बास्तबमै मर्यौ
अझै कति मर्दैछौ
कि त मरुभुमिको तेललाई थाहा छ
कि त ह्वाइटहाउसलाई थाहा छ
बिन लादेन
तिमीलाई अन्तिम श्रद्धान्जली
भर्जिनिया वाटरमा फूलेको
एक थुँगा लालिगुरांसको ।
(२ मे २०११, सोमवार)
(स्रोत : Sunuwar.org )
