~आचार्य निश्चल~
नाम भन्दा पहिले खानदानी सोधियो !
डिभी, पिआर सोधियो राहदानी सोधियो !
केटी हेरि फर्किएका रामे दाई भन्दैथिए,
काम सोधिएन केवल आम्दानी सोधियो !
सम्पति मै केन्द्रित भए हुनेवाला ससुरा बा,
न त रुचि सोधियो, न त आनीबानी सोधियो !
धनी बाउ कि एक्ली छोरी, काम गर्ने त कुरै छैन,
बिहे पछी के-के हुन्छ मेजमानी सोधियो !
आचार्य निश्चल
नारायण नगरपालिका-३, दैलेख !
हाल : विरेन्द्रनगर-१७, लाटीकोइली, सुर्खेत !
(स्रोत : रचनाकारको ब्लगबाट सभार)
