~पुरुषोत्तम ढुङ्गेल~
ऊ जितेर गई या हारेर गई
नतिजा आफैं तिर पारेर गई
हिजो निम्ता दिई बस्न दिलमा
आज काँडे तारले बारेर गई
प्रीतको एउटा फूल थियो बँगैचामा
आकाशबाट असिना झारेर गई
बाँच्दै त थिएँ घाएल नै भएपनि
मुस्कानको छुरा रोपी मारेर गई
रोपेर प्रेमको फूल यो मेरो मनमा
हुर्काई अन्तै सारेर गई
पर्खिँए मनको ढोका उघारी
ऊ भोलि भन्दै टारेर गई
शब्द : पुरुषोत्तम ढुङ्गेल
सङ्गीत : चण्डी प्रसाद काफ्ले
स्वर : राज सिग्देल
सङ्गीत संयोजन : गोपाल रसाइली
एलबम : गुरु
