~अमृत सिङ थिङ~ 
प्रीतिको फूल रोप्न मायाको बारी चाहिन्छ ।
नारी जस्तो देख्न नारीलाई सारी चाहिन्छ
प्रेममा पागल ,पागल प्रेमीहरूलाई
डाक्टर हैन प्रेमको छहारी चाहिन्छ
छोराको घरमा भन्दा वनमा बास बढी
घरको ताल्चा जोगाउन , बुहारी चाहिन्छ
धन्याढ्यहरु जति पनि छन् शहरमा
गल्ली गल्लीमा भिखारी चाहिन्छ
आधुनिक फेसनको भिड बजारमा
मर्द भनी छुटाउन जुँगा दारी चाहिन्छ ।।।।
अमृत सिङ थिङ
महाभारत गाउँ पालीका ,
बनखु , काभ्रे
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
