~डा. संगीता स्वेच्छा~
उकालो चढ्न तम्सिएछु उद्देश्य कहाँ छ ?
फेद टुटिसक्यो अहिल्यै गन्तव्य कहाँ छ ?
धेरै कोरेँ अक्षरहरू विद्वान हुने रहरमा
कोरिंदैछन् आजसम्म यहाँ अन्त्य कहाँ छ ?
खुट्टा तान्ने मात्रै भेटेँ वरिपरि सबै
कर्तव्यको पाठ पढाउन कर्तव्य कहाँ छ ?
येाग्यताको रासमा ढुसी पर्दैछ
छलछामको जमानामा, सत्य कहाँ छ ?
– डा. संगीता स्वेच्छा
“अभिभावक द्बैमासिक”मा प्रकाशित
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
