~केशव गाहा ‘पाल्पाली’~
मुग्लानमा पस्दिनँ म काम देउ सरकार
जुठा भाँडा घस्दिनँ म काम देउ सरकार
के यो देश मेरो पनि जन्मभूमी होइन र ?
बिदेशमा बस्दिनँ म काम देउ सरकार
पसिना र रगत पोख्दै बिरानो त्यो धर्तिमाथि
हात, गोडा धस्दिनँ म काम देउ सरकार
कति घुमुँ परदेश आँशु झार्दै आँखाबाट
बलिन्द्र भै खस्दिनँ म काम देउ सरकार
बाँच्ने हक, अधिकार यहाँ सबैलाई दिए
वचनले डस्दिनँ म काम देउ सरकार ।
(रायगढ, भारत)
(स्रोत : हाँक विक्ली – वर्ष ३२, अङ्क १० – Jan. 21, 2015 – २०७१ माघ ७ गते, बुधबार )
