~कुसुम गजमेर~
केटा :
मायाको बारीमा प्रीतिको फूल
केटी :
मायाको बारीमा पिरतीको फुल
केटा :
पिरती हैन प्रिती
प्रितीको फूल
केटी :
मायाको बारीमा प्रीतिको फुल
केटा :
हो तेसो
युगल :
संगाली राखेको कुसुमे रुमाल
केटा :
बैशालु मनले मेरो सपना सजाएछ
मुटु मेरो सानो माया ठूलै पालेछ
केटी :
बैशालु मनले मेरो सपना सजाएछ
मुटु मेरो सानो माया ठूलै पालेछ
युगल :
पहाडको आशु बोकी खोला बगे जस्तो
मायालुको आशु बोक्ने कुसुमे रुमाल…
केटी :
लाहुरे दाइले बिदा लिए सानो रेलमा चढेर
कान्छी नानी रुन्छिन सम्झना कोसेली दिएर
भाग्य भए भेटौला टिकामा अर्को साल
नभए सम्झना कुसुमे रुमाल …
बसन्तको मायालु हावा चल्दा
सोह्र सत्रको उमेरमा जोवनको लहर चल्दा
कसै कसै ले तितो मिठो याद हरु दिएकै होला
हो त्यही याद नै हो कुसुमे रुमाल
याद आयो ?
यौवनको गोरेटोमा पछ्यौरी कसको अल्झेछ
नयाँ चोट लागेको होइन पुरानो घाऊ बल्झेछ
बिहानीको शीतको थोपा पातले बोके जस्तो
मायालुको माया बोक्ने कुसुमे रुमाल…
शब्द : कुसुम गजमेर
सङ्गीत : रञ्जित गजमेर
स्वर : उदित नारायण झा , दीपा झा
चलचित्र : कुसुमे रुमाल
