~अमला अधिकारी~
आज फुल्ने भोलि झर्ने जीवनका लागि
मरिहत्ते गर्नु छ एउटा कफनका लागि
तिमी मान्छे मारेर शान्ति पाउँछौ भने
अर्जाप हतियार मेरो गर्धनका लागि
जतिपल्ट चुँडिन्छ फूल देउताको लागि
त्यति चुँडिएको छ यो मन त्यो मनका लागि
सधैँ सधैँ समय अनुकूल कहाँ हुन्छ र
औँशीको जूनलाई हेर उदाहरणका लागि ।
– अधिकारी सिन्धुलीमा शिक्षण पेशामा आवद्ध छन्। उनका ‘आगो’,’अमला’ र ‘आरन’ गजलसंग्रह प्रकाशित छन्।
अमला अधिकारी,
सिन्धुली
