~शेखर ‘अस्तित्व’~
पसल हो कि बाजार, भन्नुस न आमा !
के हो सिंहदरबार ? भन्नुस न आमा !
त्यो संविधान भन्ने, चरा हो कि माछा ?
र खै त्यसको अनुहार, भन्नुस न आमा !
त्यो को रै’छ भाषण दिने, भोट माँग्ने ?
फटाहा कि गद्दार ? भन्नुस न आमा !
सबै कुर्सी पाए’सि मोट्टाउन थाल्छन !
यो कस्तो चमत्कार ? भन्नुस न आमा !
संधैं बन्द सुन्छु म, यस वर्ष छन् कि !
सबै दिन शनिवार ? भन्नुस न आमा !
रगत र पसीना बगाउँदा’नि हाम्रो !
किन हुन्न उद्धार ? भन्नुस न आमा !
म चाहन्छु “अस्तित्व”, शेखरजी जस्तै !
बनूँ कि ग़ज़लकार ? भन्नुस न आमा !
बुटवल–६
हाल : मुम्बई,
