~जयराम तिमल्सिना~
साँझको कलिलो घाम कानमा सिउरिएर
रातको अँध्यारोमा
उज्यालोका झिल्काहरुसँग
मन भरि खुसि बाँडेको छु ।
हरेक विहान
तिम्रो तस्विरमा देखिने मखमलि मुस्कान
रातमा अझै मुस्कुराउँछ ।
प्रीय मन
तिम्रो छेउमा उभिएर
मलाई अँध्यारोसँग प्रेम गर्न
कुनै अपसोच छैन ।
जूनकिरीजस्तै ताराहरुको उज्यालोमा
अलिकति अँध्यारो मिसाएर
प्रेयसीको आँखामा सजाउन
गाजल बनाएको छु
र
तिनै आँखाबाट चमक टिपेर
पटक पटक आफैलाई भिजाएको छु
उज्यालाका मुहानहरुमा ।
प्रिय समय
तिम्रा हरेक पलहरु निथ्रुक्क भिजाएर जान्छन
म, निस्पट्ट अँध्यारो रातमा छु
र
बटुलिरहेछु झिल्का झिल्का उज्यालो ।
जयराम तिमल्सिना
ढुङ्खर्क काभ्रे
हालः बागबजार, काठमाडौं ।
(स्रोत : रचनाकारको फेसबुकबाट सभार)
