~शेखर ‘अस्तित्व’~
स्वदेशी लयमा हृदयले लेख्ने रहरको खाँचो छ !
गजलको लागि को भन्छ उर्दू बहरको खाँचो छ ?
मुना-मदनको लयबद्धता त्यो को भन्दा कम छ र ?
महाकविझैं हिमाल चुम्ने लहरको खाँचो छ !
नेपाली भाषा शब्दहरूको समृद्ध सागर हो !
जानेर पनि नजान्नेलाई नहरको खाँचो छ !
ति डाँडा-पाखा भिजाउँछन् आँखा आमा-बुवासरि नै !
हुर्के’सि छोरो यो भन्दै हिंड्यो शहरको खाँचो छ !
यो सानो दुखले अर्जेको मुलुक होईन नि साथी हो !
“अस्तित्व”लाई बचाउने जागृत प्रहरको खाँचो छ !
स्वदेशी लयमा नै हृदयले लेख्ने रहरको खाँचो छ !
मलार्इ लाग्छ ग़ज़लमा नेपाली बहरको खाँचो छ ?
बुटवल–६
हाल : मुम्बई,
