~म. बि. बि. शाह~
गर्छिन् पुकार आमा रोई कराई जोडले
हैन मेरो भन्छिन् सन्तान थरीथरीका
कोही धनी असाध्य कोही गरीब माग्ने
सक्दिनँ देख्न भन्छिन् सन्तान थरीथरीका
नाङ्गो छ आङ कहीँ कहीँ पोसाक मखमल
सक्दिनँ हेर्न भन्छिन् सन्तान थरीथरीका
सुनको थाल काहीँ, काहीँ छ पात खाली
सक्दिनँ सुन्न भन्छिन् सन्तान थरीथरीका
भन्छन् महल कसैका काहीँ छ चुथ्रो झुप्रो
सक्दिनँ सहन भन्छिन् सन्तान थरीथरीका
शब्द : म. बि. बि. शाह
स्वर : जनार्दन सम र कोईली देवी
सङ्गीत : कोईली देवी
एल्बम : उसैको लागि-२
(स्रोत : गीतकारको गीत/गजल एल्बम “उसैको लागि-२” बाट सभार)
