~जीवराज बुढाथोकी~
भन्ने कुरा छन धेर खै, के पोखौं म ।
सुन्ने न भै त्यस्तो कतै, के पोखौं म ।
टाढै भए मुग्लानिया, छोरा नाति,
पीडा रुँदै पर्देश गै के, पोखौं म ।
मर्नै परे कस्ले दिने, होला बत्ति,
तीता कथा भन्द्यौ न है, के पोखौं म ।
रुच्ने न त्यो खाना कुनै, पच्ने फेरि,
छन धेर ती ब्यथा अझै, के पोखौं म ।
भैयो बुढो भोग्नै पर्यो, पर्ला जत्ति
मनका कुरा साट्ने नभै, के पोखौं म ।
बहर:सरीअ
सुत्र: २२१२ २२१२ २२२१
मात्राः २१ बिश्रामः ८। ४
जीवराज बुढाथोकी
खलंगा ९, सल्यान
हालः घट्टेकुलो, काठमाडौं
२०७२।०३।२४
