~पल्पसा~
घाटा र नाफाको हिसाब छोडी
मिलेर अघि बढौं
देशलाई खाने डढेलो निभाई
शान्तिको बिउ छरौं
कत्तिले गुमाए घरबार सबै
कत्तिले ज्यान पनि
गोला र बारुदले नभन्दो रैछ
वृद्ध र बालक पनि
आफ्नै रगतको बिनास गरी
हुँदैन फलिफाप
महङ्गो पर्छ है युद्धको मोल
पाईदैन केहि लाभ
कत्तिको पुछियो सिउँदोको सिन्दुर
अनगिन्ति टुहुरा
नाङ्गो छ शरीर भोको छ पेट
कसले दिने सहारा
यो तपोभूमिमा रगतको टाटा
के यस्तो अभिशाप
प्रज्वलन गरौ शान्तिको दीप
पखालौ सबै पाप
– पल्पसा, शिकागो, अमेरिका
