~यकिना अगाध~
‘चाडबाड आयो ।’ घरका सबै पाल्तु जनावरहरुलाई खुकुराले बास्दै सचेत गरायो ।
‘ए है !’ कान ठाठाडा पार्दै राँगा भैसीले चनाखा देखाए ।
‘आ जे होला होला… ।’ भवितव्य भइ नहाल्लान भन्ने मुडमा बोका बाख्राहरु देखिए ।
‘आउस् आउस् ।’ बेवास्त मात्र होइन कि आलस्यतासमेत देखाए सुँगुरले ।
सुरुमा कुखुरा सतर्क र सचेत देखिए पनि अन्य साथीहरुको प्रवृत्तिका कारण ऊ पनि सुरक्षाका कुनै उपायहरु नअपनाई चुपचाप बस्यो ।
अन्ततः चाड आइपुग्यो । मान्छेहरुले पहिला कुखुरालाई निमोठे, राँगा भैसी, बोका बाख्रा काटे र सुँगुरलाई आरामपुर्वक झिरले घोचेर मारे ।
