~भुपेन्द्र महत~
झर्को फर्को तिम्रै ठुलो, अझै घुर्का ऊँ छौ तिमी
सानोतिनो कुरामा नि ,आशु तुर्काऊँछौ तिमी
मन सफा भए गंगा, लोटामा पनि अटछ
शंका पाली लंका खाने, कुरा हुर्काऊँछौ तिमी
औशी पूर्णे लाग्छ क्यारे ,खुशी हुँदा किन फेरी
उडाएर हाबा भरी,साह्रै फुर्काऊँछौ तिमी
टालटुले विश्वाशको, के भर हुदो रछ खै
अँठ्याएर किल्किलो, डोरी सुर्काऊँछौ तिमी
अबोध चेहरा भित्र , कुटिल मन रछ त
राम राम भनी भिर तिर गुर्काऊँछौ तिमी
आत्मा साक्षी राखेर, कसम खाको भन्थौ त
अतित भुलेर आज, याद खुर्काऊँछौ तिमी
भुपेन्द्र महत
कोलोराडो ,अमेरिका
