~शोभा महर्जन~
फल्चा व बल्चा मदुसां मनू सखे म्वाइ
विश्वास व भल्सा मदुसा जीवन छखे लाइ ।
मतिनाय् दुःख मदुसा मिखा गनं प्याइ
दुःख त्वःता बिस्युं वंसा निम्ह निखे बाइ ।
ख्वबिं गाःगु जीवनय् हे हर्षया ख्वबि हाइ
चान्हसिया गंगु ख्वबि सुथसिया सुतिलखं चाइ ।
विश्वासं विश्वासया मत च्याकी जः लुइ
मतिना- लँपु ख्युंख्युं धाःसा लुफिं न्हय्खे हाइ ।
माया-मतिना जीवनया नस्वाः दुगु स्वां खः
मतिना-स्वां ह्वयेके फुसा नस्वाः प्यखें न्हयाइ ।
(स्रोत : झीगु डट कम)
