~गोपीकृष्ण ढुंगाना ‘पथिक’~
तिम्रो मन कस्तो कस्तो छैन मेरो जस्तो,
यस्तो लाग्छ बजारमा भए साह्रै सस्तो ।
मुस्कान छोड्न नपाउदै छुटाउथ्यौ हासो,
लठि्ठएछु हासो बन्यो जीवनको पासो ।
बादलभित्र झुल्के घाम लाग्छौ किन यस्तो,
तिम्रो मन कस्तो कस्तो छैन मेरो जस्तो ।
मन पराउने कति कति जवानीमा हुदा,
कुरें तिम्रै बाटो अरु मेरो सामू रुदा ।
छैनौं भनू आखाभरि बन्छ्यौ तृष्णा उस्तो,
तिम्रो मन कस्तो कस्तो छैन मेरो जस्तो ।
gopiji2065@gmail.com
काव्यकुञ्ज, गठ्ठाघर, भक्तपुर
(स्रोत : काव्यकुञ्ज डट कम)
