~बद्री बाबु पोखरेल~
अब त तिम्रो पेट फुलेको हेर्न मन छ
आगनिमा लालाबाला डुलेको हेर्न मन छ
म सधैँ कमाउने ,कामले व्यस्त हुन्छु
तिमी छोरा छोरी सँग भुलेको हेर्न मन छ
म खन् जोत गरुँला ,तिमी बीउ रोपौला
खेतै भरी धान्का बाला झुलेको हेर्न मन छ
दु:ख गरे एक दिन ,सुख मिल्ला नि बुढी
हाम्रा खुसीका फूल फुलेको हेर्न मन छ
सधैँ एकैनास शायद ,हुँदैन जीवन पनि
सम्भावनाका धेरै ढोका खुलेको हेर्न मन छ
बद्री बाबु पोखरेल
घिरिङ्ग -1 तनहुँ
हाल -पोर्तुगल
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
