~सुयर्मा राइ~
आँखामा साउन नझार
बिपनादेखि थाकेर
जीवनको सपना नमार
ओ सरू……………………
उकाली चढ्दा ओराली झर्दा
कहीँ त ठेस लाग्छ
कहिले काहीँ सपना पनि
आफैलाई भार हुन्छ
फेरि गन्तव्य छुने हिम्मत नहार
ओ सरू……………………
आँखामा साउन नझार
अँध्यारोलाई छिचोली उज्यालो
आफैले खोज्नुपर्छ
काँडाहरू पन्छ्याएर बाटो
आफै सम्याउनुपर्छ
जहिले पनि शिखर चुम्ने साहस उमार
ओ सरू……………………
आँखामा साउन नझार
स्वर: जगदिश समाल
रचना : सुयर्मा राइ
सङ्गीत: दीपक जङ्गम
